Día Mundial sen tabaco. Andaina sen fumes

Cada 31 de maio, a Organización Mundial da Saúde celebra o Día Mundial Sen Tabaco, para incrementar o coñecemento sobre os prexuízos que ocasiona á sociedade.

O tema específico deste ano é ''A interferencia da industria do tabaco'', en relación ás medidas de prevención e control do tabaquismo. Os 10.000 pasos é a recomendación diaria para un adulto san. É a cantidade de actividade que debería acumular durante un día para manter os seus niveis de saúde.

Con esta andaina preténdese mostrar á poboación cómo os 10.000 pasos supoñen un esforzo pequeno que pode ser divertido se buscamos actividades gratificantes, que non só nos axudarán a ser máis ourenSÁNS, senón tamén a posibilidade de iniciarnos en programas de exercicio físico más ambiciosos, que serán beneficiosos para nós e para a sociedade.

Esta Andaina organizada para celebrar o Día mundial sen Tabaco, esta incluída dentro do grupo de actividades que organiza a Concellería de Saúde dentro do programa OCIOURENSE.

Data de realización: A Andaina realizarase o 3 de xuño con saída ás 10.00 h da Alameda.

*Haberá Sorteo de obsequios ao finalizar a andaina.