I Premio á mellor iniciativa emprendedora do Concello de Ourense

Esta iniciativa forma parte do programa de fomento da Cultura Emprendedora que desenvolve o Concello, a través da Concellería de Promoción Económica, que ten como finalidade a implantación de políticas activas de emprego, co fin de favorecer a información e orientación laboral, a xestión de intermediación no mercado de traballo, a formación ocupacional, mediante a adquisición de formación teórica e experiencia laboral, a creación de emprego, a orientación empresarial e o desenvolvemento local.

Con esta finalidade, o Centro de Iniciativas Empresariais do Concello presta servicios de difusión e estímulo de potenciais oportunidades de creación de actividades entre desempregados, promotores e emprendedores, así como institucións colaboradoras, formación e asesoramento a futuros emprendedores na busca e concreción de ideas empresariais, apoio técnico á iniciación de proxectos empresariais para a súa consolidación en empresas xeradoras de emprego, apoio ós promotores das empresas unha vez constituidas mediante a aplicación de técnicas de consultoría para contribuir á súa boa marcha e calqueira outra que axude á implantación das políticas activas de emprego en Ourense.

Dende 2008, o Concello organiza o Encontro Internacional e Empendedores, que leva o nome de Eduardo Barreiros, en homenaxe ó ourensán que creo e desenvolveu o proxecto empresarial privado máis importante de España ó longo dos anos 1950-60. Preténdese así difundir a figura do emprendedor que foi Barreiros para que serva como exemplo ás xeracións máis novas, transmitindo e fomentando o seu espíritu emprendedor. Así, con ese reto de fomentar a cultura emprendedora e animar ós mozos a desenvolver proxectos de novas empresas, o Premio enmarcarase no III Encontro Eduardo Barreiros, que organizará o Concello no vindeiro mes de xuño

Ampliado o plazo de presentación ata o 11 de xuño de 2010