Novas

A Xunta de Goberno Local do Concello de Ourense aprobou as bases xerais que regularán a contratación laboral temporal no Concello de Ourense e no Consello Municipal de Deportes. Con estas bases, elaboradas a proposta da Concellería de Recursos Humanos, o Concello contará por primeira vez cun documento, moi útil para o funcionamento diario da Administración, que xa estaba previsto no convenio colectivo do Concello, pero que ata agora non se elaborara.

As bases teñen como finalidade garantir a absoluta transparencia na contratación no Concello e o cumplimento dos principios de mérito e capacidade para a adxudicación das prazas. Tódolos cidadáns terán a oportunidade de optar ós postos.

O Concello elaborará unhas listas de contratación, na que se incluirán tódolos candidatos a optar ás prazas dispoñibles. A selección realizarase aplicando criterios obxectivos, que aparecen recollidos nas propias bases.

As listas de contratación abriranse a comenzos do mes de febreiro, cando se produza a publicación do correspondente anuncio no Boletín Oficial da Provincia. A partir desta data, tódolos interesados en optar ás prazas poden solicitalo, cubrindo un formulario que estará dispoñible na páxina web do Concello (www.ourense.es) ou ben acudir ás dependencias da Concellería de Recursos Humanos.