Praza Maior 1 988 388 100

Atopar
Buscador Concello de Ourense

Cultura

Áreas

Xurado do Premio

A obra co lema Mar adentro e o título O anxo de Durero, do autor ferrolán Jorge Llorca é a gañadora da vixésima edición do Premio Risco dre Creación Literaria, que convocan o Concello de Ourense e a Fundación Risco. Así o acordou na xuntanza que celebrou este mediodía no Liceo o xurado deste certame, que estivo formado por Mario González, concelleiro de Cultura, Luis Martínez Risco Daviña, en representación da Fundación Vicente Risco, Andrea Fernández Blanco, tradutora, e María Fernández da Costa, profesora de lingua e literatura galegas, actuando como secretaria a técnica do Servizo de Normalización Lingüística do Concello, Mónica Fernández Valencia.

Foto da presentación de SóloDOS

A cidade de Ourense converterase un ano máis en referente da danza contemporánea coa 4º edición de SóloDOS en Danza. O certame desenvolverase desde mañá, xoves 21, até o sábado 23 de novembro, cunha chea de actividades que lle achegarán a danza contemporánea a todo tipo de públicos.

O Concello de Ourense inicia este luns, 18 de novembro, 'Outono con apego', unha chea de propostas e actividades dirixidas ás familias con crianzas de 0 a 6 anos e tamén a profesionais da educación infantil.

O concelleiro de Cultura, Mario González, e o técnico Anxo Saborido presentaron esta mañá o IV Ciclo Lírico Ourense 2019, que se desenvolverá os 3 próximos venres (15, 22 e 29 de novembro) ás 20.00 horas no Teatro Principal.

Manuel Brañas

A formación ourensá Brañas Folk abrirá mañá, venres, 8 de novembro, ás 20.00 h na Praza Maior unha cuádrupla cita coa mellor música galega, organizada polo Concello dentro da programación do Magosto 2019. O Concello aposta este ano por potenciar a festividade ampliando a súa programación de actividades co obxectivo de animar a cidadanía para participar na festa e converter Ourense nun referente cultural e lúdico. Así, durante 4 días, subirán ao escenario da praza, ademais do grupo ourensán, outros nomes de tanto prestixio como Susane Seivane, Leilía e Os de Abaixo.

Cartel de programación

A cita co Enclave de Cámara adiántase este mes de novembro ao mércores -6 de novembro- para recibir o cuarteto de corda Simply Quartet, que dará inicio a unha semana de intensa actividade na axenda da Concellería de Cultura, xa que o Auditorio acollerá a obra O meu mundo non é deste reino, de Teatro da Ramboia, os concertos tributo a Michael Jackson e Mecano, xunto coa programación infantil.

Cartel do Magosto 2019

O Concello de Ourense aposta pola festividade do Magosto 2019, ampliando a súa programación de actividades co obxectivo de potenciar estas festas, animar á cidadanía para participar nelas e converter Ourense nun referente de actividade cultural e lúdica. O Magosto, festa representativa da cidade, estenderase desde o día 8 ao 11 de novembro cunha vintena de actividades entre as que destacan os concertos dunha selección dos mellores grupos galegos, como Brañas Folk, Susana Seivane, Leilía ou Vos de Abaixo, o Espazo Galaico que estará en Bispo Cesáreo, xunto co tradicional magosto popular, as actividades de animación de rúa e as dirixidas ao público infantil. O concelleiro de Cultura, Mario González, e o programador Álex Hermida presentaron a programación de actividades.

Cartel de Muiñeiras

Luisa Merelas, Luis Zahera con Oswaldo Digón ou Ángeles Martín con Beatriz Bergamín subirán esta semana ao escenario do Auditorio Municipal de Ourense, que programa tres interesantes citas teatrais.

Mario González e Álex Hermida

O Concello de Oruense aposta polas festividades do Samaín e Magosto 2019, ampliando a súa programación de actividades co obxectivo de potenciar estas festas, animar á cidadanía a participar nelas e converter Ourense nun referente de actividade cultural e lúdica. O Magosto, festa representativa da cidade estenderase desde o día 8 ao 11 de novembro cunha vintena de actividades entre as que salienta os concertos dunha escolma dos mellores grupos galegos, como Brañas Folk, Susane Seivane, Leilía ou Os de Abaixo, ou o Espazo Galaico que estará en Bispo Cesáreo, xunto coa tradicional magosto popular, as actividades de animación de rúa e as dirixidas ao público infantil. O concelleiro de Cultura, Mario González, e o programador Álex Hermida presentaron a programación de actividades.

Auditorio

O Concello de Ourense convoca as subvencións destinadas á realización de programas, proxectos ou actividades culturais e recreativas considerados de interese público promovidos por asociacións ou entidades sen fin de lucro; así como as Festas patronais, romarías e outras celebracións de carácter tradicional ou senlleiro promovidos por asociacións de veciños e comisións de festas. Desde o venres, 18 de outubro até o venres, 8 de novembro, as entidades ou asociacións poderán presentar as súas solicitudes.