Cultura
Áreas
Blog da área de Cultura
Ourense acollerá un grande evento da programación do Xacobeo
- Detalles
O Xacobeo 2020, dentro do seu programa descentralizado Xacobeo Cidades, traerá a Ourense un grande evento cultural e promoverá outros a través da participación dos colectivos locais. Así o fixo saber o conselleiro de Cultura e Turismo, Román Rodríguez, na reunión celebrada esta mañá na Alcaldía de Ourense, e que contou coa participación do alcalde de Ourense, Gonzalo Pérez Jácome, o director da Agadic, Jacobo Sutil, e os concelleiros Jorge Pumar, Mario González e Flora Moure, así como da delegada territorial da Xunta de Galicia en Ourense, Marisol Díaz.
A Banda da Loba, Matarile e Sarabela, esta semana no Auditorio
- Detalles
As compañías de teatro Matarile e Sarabela presentan esta fin de semana, no Auditorio de Ourense, as súas propostas teatrais dirixidas ao público adulto e infantil, respectivamente. Será dentro dunha programación cultural que comeza o venres coa presentación do novo disco d'A Banda da Loba. As entradas para os tres eventos pódense adquirir en na páxina web de Ataquilla no teléfono 902 504 500, na sede de Afundación (Praza Maior, 4) e no despacho de billetes do Auditorio dúas horas antes de cada función.
Contos para bebés, danza e teatro infantil, no Auditorio esta fin de semana
- Detalles
O Auditorio Municipal de Ourense programa para esta fin de semana tres espectáculos: teatro para bebés, mañá, venres, en dobre sesión (18:00 e 19:00 h) con Levántate Xan, danza para público adulto, o sábado, con Sin título 97/17, de Sil produccións (20:30 h), e teatro infantil na cita dos domingos pola mañá (ás 12:00 h), con Segundo caviloso. As entradas para estes dous últimos espectáculos pódense adquirir a través da páxina web Ataquilla na sala de exposicións de Afundación na Praza Maior e o no despacho de billetes do Auditorio dúas horas antes da función.
O Concello reforza a programación do Entroido de Ourense 2020
- Detalles
O Concello reforza a programación do Entroido de Ourense 2020 coa finalidade de potenciar a súa dimensión de Entroido líder no Noroeste peninsular. Así o anunciou esta mañá o alcalde, Gonzalo Pérez Jácome, que presentou a programación de actividades xunto ao concelleiro de Cultura, Mario González e representantes dos Entroidos da cidade: As Pitas das Eiroás, Paquita e Nicanor de Seixalbo e Frei Canedo da Ponte.
Como principal novidade, o Entroido de Ourense (13 ao 26 de febreiro) contará por primeira vez con 3 desfiles. Xunto ao tradicional de comparsas e carrozas do domingo, 23 de febreiro, incorpora un desfile infantil (venres, 21, 12.00 h) no que participarán 1.300 escolares da cidade, e un desfile dos Entroidos da cidade (o mesmo día, ás 20:30 h), que percorrerán as rúas e prazas da zona vella da cidade.
Isabel Villanueva e François Dumont, o xoves no Enclave de Cámara
- Detalles
A cita do mes de febreiro co Enclave de Cámara, este xoves 6 de febreiro ás 20:00 horas no Liceo de Ourense, reunirá dous dos músicos máis talentosos do panorama internacional da música clásica: Isabel Villanueva (viola) e François Dumont (piano). As entradas pódense adquirir en Ataquillaataquilla.com ou no propio espazo, dúas horas antes da función.
Concurso de Comparsas e para o Rei - Raíña do Entroido 2020
- Detalles
O Entroido 2020 xa está en marcha na cidade coa convocatoria do Concurso de Comparsas e da Elección do Rei-Raíña, cuxas bases publica a Concellería de Cultura no seu espazo web e que están abertas a asociacións de veciñas e veciños, culturais ou xuvenís, grupos, colexios, etc.
A prestixiosa compañía de danza infantil Aracaladanza no Auditorio
- Detalles
A compañía Aracaladanza, Premio Nacional de Teatro para a Infancia 2010, presentará este domingo, 2 de febreiro, ás 19.00h no Auditorio a súa última produción, para nenos e nenas a partir de 4 anos: PLAY. A compañía que dirixe Enrique Cabrera, comparte co público desde hai 24 anos un universo fascinante, desde a mirada de quen, a través da imaxinación e da danza, está convencido de que a maxia transforma de maneira máxica a realidade.
Exposicións de Fernando Prieto, Francisco Ramos e "Carmucha" Vázquez Prats
- Detalles
Até o 16 de febreiro pódense visitar as exposicións Inquietudes, de Fernando Prieto e Fragmentos de existencia de Francisco Ramos, que se amosan no Museo Municipal, e a Retrospectiva de 'Carmucha' Vázquez Prats, na Sala Valente. Máis información, no espazo web da Concellería de Cultura Axenda cultural da cidade
Programación do Auditorio para febreiro e marzo
- Detalles
Danza con Play de Aracaladanza e Sin título 97/17 de Sil Producciones, música coa Banda da Loba, e teatro con Daimon y la jodida lógica, de Matarile e O mel non caduca, de Ibuprofeno son as propostas do Auditorio Municipal para o mes de febreiro de 2020. O 12 de marzo chegará Si esto es un hombre, de Cámara Negra.
As entradas pódense adquirir na páxina web de Ataquilla, na sala de exposicions de Afundación, na Praza Maior, e no despacho de billetes do Auditorio, dúas horas antes da función.
O Enclave de Cámara volve este mércores con Brentano Quartet
- Detalles
O Enclave de Cámara presenta, este mércores 15 desde as 20.00 horas no Teatro Principal, o prestixioso cuarteto de corda Brentano Quartet. Formado por Mark Steinberg, Serena Canin (violíns), Misha Amory (viola) e Nina Lee (violonchelo), é a formación residente na Yale School of Music, onde sucederon o Cuarteto de Corda de Toquio.