Educación
Áreas
Blog da área de Educación
O Concello anima os escolares da provincia a debater sobre dous libros a través das 'Tertulias Literarias'
- Detalles
Un total de 10 centros escolares da provincia de Ourense participarán nunha nova edición das Tertulias Literarias organizadas pola Concelllería de Educación e pola Deputación de Ourense. O programa divídese en dúas partes, unha primeira en galego, os días un e dous de febreiro no Liceo, e outra en castelán, o 26 e 27 de abril. As obras escollidas para cada caso son As horas roubadas, de María Solar, e El desorden que dejas, de Carlos Montero.
O Concello achega o teatro ourensán a escolares de Secundaria con representacións da obra “Resaca” de ilMaquinario Teatro
- Detalles
O Concello de Ourense achega o teatro ourensán aos alumnos e as alumnas de Secundaria con dúas representacións de “Resaca”, a terceira, e máis recente montaxe da compañía ilMaquinario Teatro. Será o luns, día 30 de xaneiro, con dúas sesións, ás 11,30 e 16,00h, ás que asistirán un total de 350 alumnos e alumnas de 4º curso da ESO, Bacharelato e ciclos de 7 centros educativos.
Máis de mil escolares asistirán o luns á representación da obra de teatro en inglés “Sleepy Hollow” organizada polo Concello
- Detalles
A Concellería de Educación organizará este luns, 2 representacións da obra de teatro “Sleepy Hollow”, versión íntegramente en inglés do relato do escritor norteamericano Washington Irving (1783-1859). Un total de 1.050 alumnos e alumnas de Sexcundaria de 17 centros de ensino da cidade achegaranse ao Auditorio para gozar das actuacións, que comezarán ás 10.00 e 12.00h.
O Concello organiza un curso para que os profesores apliquen a práctica da atención plena na docencia
- Detalles
A Concellería de Educación do Concello de Ourense inicia o 19 de xaneiro, ás 18:00 horas no campus universitario, un curso de Mindfulness para profesorado. Constará de oito sesións semanais de dúas horas de 18.00 a 20.00h, todos os xoves ata o 9 de marzo, e será impartido por Stuart McNicholls, profesor da Universidade de Vigo.
Educación abre o prazo para anotarse nas actividades de conciliación laboral e familiar para o Nadal 2016
- Detalles
A Concellería de educación abre o prazo para anotarse nas actividades de conciliación laboral e familiar para o Nadal 2016. Estas actividades, dirixidas a nenos e nenas de 3 ata 12 anos, e desenvolveranse desde o vindeiro 22 de decembro, primeiro día de vacacións dos escolares, até o 5 de xaneiro nos seguintes espazos: Sala Valente, Escola Municipal de Idiomas, Bibliotecas Municipais e Aula da Natureza do río Miño.