Praza Maior 1 988 388 100 | VOLUNTARIADO, Servizos Básicos. 988 388 133 (de 9 a 14 h)

Atopar
Buscador Concello de Ourense

Infraestruturas

Áreas

A Concellería de Infraestruturas do Concello de Ourense iniciará, o próximo luns, 30 de novembro, obras de mellora e rehabilitación de firme en rúas dos barrios de San Francisco e A Carballeira.

As rúas Bonhome e Doutor Fleming serán obxecto de senllos proxectos de humanización por parte do Concello de Ourense. A xunta de goberno local aprobou na súa sesión desta mañá os expedientes para contratar a redacción dos dous proxectos.

Foto da rúa Arias Páez

O alcalde de Ourense, Gonzalo Pérez Jácome, visitou esta mañá a rúa Arias Páez, no barrio da Milagrosa, onde o Concello executou o proxecto de mellora de accesibilidade por importe de 212.743,41 euros.

O Concello de Ourense deu por rematada a concesión de explotación de mobiliario urbano publicitario (mupis) e eliminará as máis de 120 pezas que se atopan instaladas nas rúas, parques e prazas da cidade. O pasado sábado, 21 de novembro, rematou a concesión outorgada en 2016 a unha empresa para explotar publicitariamente estes elementos e o Concello, tal e como anunciara o alcalde no mes de maio, non a renovará.

O Concello de Ourense remodelará e humanizará a contorna do pavillón de Oira cun investimento de 358.992,42 euros. A xunta de goberno local aprobou na súa sesión o expediente para contratar a execución das obras, mediante procedemento aberto simplificado.

O Concello de Ourense, dende a Concellería de Infraestruturas promove a execución da obra de rehabilitación de pavimento na rúa Pena Nofre, cuxo orzamento é de 18.123,62 €. A actuación consistirá na reposición do firme existente mediante a colocación de empedrado de granito nunha superficie aproximada duns 234 m² e a reposición da sinalización horizontal.

O Concello de Ourense iniciará esta semana as obras de rehabilitación de firme en dúas rúas do barrio de Vistafermosa. Trátase das rúas Arco da Vella, cuxo comezo de obras está previsto para mañá, martes, 17 de novembro, e Entroido, cuxo comezo está previsto para este mércores, 18 de novembro.

Rúa San Francisco

O Concello de Ourense realizará desde o luns, 16 de novembro, traballos de reparación da rede de abastecemento na parte superior da rúa San Francisco, que requririán interromper durante alomenos unha semana o tráfico de vehículos neste tramo do vial.

Na xunta de goberno local celebrada esta semana aprobáronse os expedientes para contratar seis proxectos de execución de obras en diferentes barrios da cidade, cos seus correspondentes pregos de condicións económico-administrativas, por un importe total de 1.591.533,33 euros

A Concellería de Infraestruturas iniciará este xoves as obras de acondicionamento da rede viaria nas rúas Castro Canseco, Mateo de Prado e Xoán Pérez Villaamil, na fronteira entre os barrios do Couto e de Vistafermosa. A superficie de actuación alcanza as 2.997,30 m2 e un investimento de 48.105,04 euros.