- Vostede está aquí:
-
Inicio
- Blog
Blog
O Concello comeza os pagamentos das axudas aos autónomos
- Detalles
O Concello de Ourense iniciou hoxe os pagamentos das axudas que concede este anos aos autónomos da cidade para apoiar a súa actividade, que se viu fortemente afectado pola recesión ocasionada pola pandemia da COVID-19.
Obras de mellora do firme en rúas dos barrios de San Francisco e A Carballeira
- Detalles
A Concellería de Infraestruturas do Concello de Ourense iniciará, o próximo luns, 30 de novembro, obras de mellora e rehabilitación de firme en rúas dos barrios de San Francisco e A Carballeira.
A Comisión de Pleno dálle o visto bo aos convenios coa Confederación para a senda fluvial de Outariz e a mellora do saneamento en Velle
- Detalles
A Comisión de Pleno do Concello de Ourense ditaminou favorablemente na súa xuntanza desta mañá catro expedientes que serán incluídos na orde do día do próximo pleno do Concello para a súa aprobación.
Dous deles son senllos convenios de colaboración entre o Concello de Ourense e a Confederación Hidrográfica do Miño-Sil.
O Concello destinará como mínimo 11 millóns en 2021 a axudas aos sectores máis afectados pola pandemia, con especial atención á hostalaría local, entre outros sectores
- Detalles
O Concello de Ourense destinará como mínimo 11 millóns de euros en 2021 a unha nova liña de axudas, dirixida ao empresariado local dos sectores máis afectados pola pandemia. Así o acordaron por unanimidade os grupos políticos municipais na xuntanza que esta mañá mantiveron cos representantes da hostalaría local.
Ourense celebra o XX Correlingua cun recital de Aldaolado
- Detalles
As restricións sanitarias pola COVID obrigaron a adialo en primavera, pero a vixésima edición da Correlingua volve mañá, venres, cun programa orientado a transmisión en redes desde espazos seguros.
Novos proxectos de humanización: Bonhome e Doutor Fleming
- Detalles
As rúas Bonhome e Doutor Fleming serán obxecto de senllos proxectos de humanización por parte do Concello de Ourense. A xunta de goberno local aprobou na súa sesión desta mañá os expedientes para contratar a redacción dos dous proxectos.
Día Internacional para a Eliminación da Violencia contra as Mulleres
- Detalles
O Concello de Ourense sumouse á conmemoración do 25 de Novembro, Día Internacional para a Eliminación da Violencia contra as Mulleres, cun minuto de silencio polas vítimas da violencia machista, polas asasinadas e polas supervivintes. Logo do minuto de silencio, foi o concelleiro de Política Social, Telmo Ucha, o encargado de ler a declaración institucional consensuada pola FEMP para a ocasión.
Certame Postal de Nadal 2020, para alumnado de 1º de Primaria
- Detalles
A Concellería de Educación do Concello de Ourense presenta, un ano máis, o certame infantil de debuxo Postal de Nadal 2020. Este ano está dirixido ao alumnado de 1º curso de Educación Primaria dos colexios da cidade.
Solicitude de ofertas para a compra de xoguetes para a Campaña de Reis
- Detalles
ADQUISICIÓN XOGUETES CAMPAÑA DE REIS 2020
1. OBXECTO DO SUMINISTRO:
A adquisición de xoguetes da Campaña de Reis para a Concellería de Asuntos sociais, nas condicións que constan neste Anuncio (PDF)
Oito empresas optan a executar as obras de remodelación do campo de hóckey de Mariñamansa
- Detalles
Oito empresas optan a executar as obras de remodelación do campo municipal de hóckey de Mariñamansa. A mesa de contratación do concurso convocado polo Consello Municipal de Deportes (CMD) para adxudicar os traballos celebrou este mediodía unha xuntanza na que abriu as proposicións das 8 empresas que optan a realizar os traballos.
En marcha a Carreira do San Martiño 2020 en formato virtual
- Detalles
O Consello Municipal de Deportes do Concello de Ourense organiza unha San Martiño Virtual, coa que convida aos amantes do deporte a que contribúan a manter vivo o legado da carreira popular ourensá, a máis lonxeva de Galicia, neste ano 2020, no que a carreira non se poderá levar a cabo a causa da pandemia da COVID. A actividade recabará fondos para dous proxectos solidarios de Cruz Vermella e Cáritas.
Humanización e mellora da accesibilidade da rúa Arias Páez, na Milagrosa
- Detalles
O alcalde de Ourense, Gonzalo Pérez Jácome, visitou esta mañá a rúa Arias Páez, no barrio da Milagrosa, onde o Concello executou o proxecto de mellora de accesibilidade por importe de 212.743,41 euros.
Ourense celebra a quinta edición do Ciclo Lírico con tres citas consecutivas no Auditorio Municipal
- Detalles
O mércores 25 de novembro arrinca unha nova edición, a quinta, do Ciclo Lírico de Ourense. Serán tres concertos temáticos, todos no Auditorio Municipal de Ourense, con comezo ás 20:30h, dentro dun programa variado, amplo e diferente. “Propostas para todos os gustos, para pechar os ollos e marabillarse ante a potencia da voz, xunto ao piano, ou outros instrumentos”, aseguran desde o departamento de Cultura.
Mércores 25, En terras alleas. O primeiro concerto terá como protagonista a música que deu a volta ao mundo. Neste ano no que se cumpre o quinto centenario da extraordinaria viaxe que demostrou que a Terra non era plana, capitaneado por Magalhães e Elcano, visitará a cidade o trío composto pola soprano Delia Agúndez, a viola de gamba de María Alejandra Saturno e Alicia Lázaro, co laúde. Gozaremos de músicas que foron desde a vella Europa á (nova) América e, enriquecidas, volveron. Porque, como todo, a música non para, está viva, muda e transfórmase con cada xeración.
Xoves 26, Os albores de lied. O segundo concerto levaranos ao centro de Europa, o berce da lírica, para escoitar os máis afamados lieds. A voz do baixo eslovaco Peter Keller, acompañado ao piano por Alejandro Picó-Leonís, porá en escena obras de compositores clásicos e imperdibles. Recordaremos o 250 aniversario do nacemento do mestre Beethoven e logo pasaremos a Schubert. Música imperdible, música inesquecible.
Venres 27, Homenaxe a NÓS. E para rematar esta edición do ciclo, deteremos a nosa viaxe na nosa terra, neste ano no que, tamén, conmemoramos o centenario da Xeración Nós. Como un acto máis en homenaxe, poderemos escoitar da voz de Nuria Lorenzo, mezzosoprano, acompañada ao piano por Alejo Amoedo, obras con textos de Pedrayo, Risco ou Cuevillas. Outros textos serán de Rosalía de Castro, Eugenia Osterberger ou Curros Enríquez. A noite, e o ciclo, rematará cunha estrea, un regalo de Juan Durán, premio Raíña Sofía de composición, “Tríptico rosaliano”, sobre poemas de Rosalía de Castro.
As entradas para o ciclo xa poden adquirirse a través da plataforma aTaquilla a un prezo de oito euros.
O Concello dálle fin á concesión da explotación de mobiliario urbano publicitario (mupis) na cidade
- Detalles
O Concello de Ourense deu por rematada a concesión de explotación de mobiliario urbano publicitario (mupis) e eliminará as máis de 120 pezas que se atopan instaladas nas rúas, parques e prazas da cidade. O pasado sábado, 21 de novembro, rematou a concesión outorgada en 2016 a unha empresa para explotar publicitariamente estes elementos e o Concello, tal e como anunciara o alcalde no mes de maio, non a renovará.
O Concello desenvolverá unha campaña informativa sobre a COVID19 entre os escolares da cidade
- Detalles
O Concello de Ourense desenvolverá a campaña informativa “Saúde e Protección Escolar Covid-19”. É unha iniciativa da Concellería de Educación dirixida a promocionar a saúde e resolver as dúbidas do alumnado de Educación Primaria e 1 º e 2º do Ensino Secundario Obrigatorio (ESO) sobre a pandemia e o correcto uso das medidas de prevención e hixiene establecidas no protocolo escolar Covid 19.
360.000 € para remodelar e humanizar a contorna do pavillón de Oira
- Detalles
O Concello de Ourense remodelará e humanizará a contorna do pavillón de Oira cun investimento de 358.992,42 euros. A xunta de goberno local aprobou na súa sesión o expediente para contratar a execución das obras, mediante procedemento aberto simplificado.
Convocatoria para o posto de medico-psiquiatra da unidade de drogodependencias
- Detalles
O Concello de Ourense aprobou a convocatoria e as bases xerais e específicas reguladoras para elaborar unha lista de persoas interesadas en participar no proceso de selección dun funcionario interino para cubrir o posto de médico psiquiatra da unidade asistencial de drogodependencias.
O alcalde preséntalles o Centro de Intelixencia Artificial aos grupos políticos municipais
- Detalles
O alcalde de Ourense, Gonzalo Pérez Jácome, presentoulles esta mañá o Centro de Intelixencia Artificial (c.IA) aos grupos municipais con representación no pleno do Concello. Á cita acudiron Xosé Rúas, polo PsdeG-PSOE e José Araújo, en representación de Ciudadanos -e promotor desta sesión informativa-.
O Concello iniciará o xoves obras na rúa Pena Nofre
- Detalles
O Concello de Ourense, dende a Concellería de Infraestruturas promove a execución da obra de rehabilitación de pavimento na rúa Pena Nofre, cuxo orzamento é de 18.123,62 €. A actuación consistirá na reposición do firme existente mediante a colocación de empedrado de granito nunha superficie aproximada duns 234 m² e a reposición da sinalización horizontal.
Premios á decoración de Nadal en comercios, hostalaría e vivendas
- Detalles
O Concello de Ourense incentivará a decoración de Nadal na cidade cun concurso que premiará as mellores ornamentacións festivas que se instalen nos comercios, nos locais de hostalaría e nas vivendas.